Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. obtulerim tibi, Maecenas, ut forte legentem
  2. aut tacitum inpellat quovis sermone: ‘molestus,
  3. communi sensu plane caret’ inquimus. eheu,
  4. quam temere in nosmet legem sancimus iniquam.
  5. nam vitiis nemo sine nascitur; optimus ille est,
  6. qui minimis urgetur. amicus dulcis, ut aequum est,
  7. cum mea conpenset vitiis bona, pluribus hisce,
  8. si modo plura mihi bona sunt, inclinet, amari
  9. si volet: hac lege in trutina ponetur eadem.
  10. qui, ne tuberibus propriis offendat amicum,
  11. postulat, ignoscet verrucis illius: aequum est
  12. peccatis veniam poscentem reddere rursus.
  13. denique, quatenus excidi penitus vitium irae,
  14. cetera item nequeunt stultis haerentia, cur non
  15. ponderibus modulisque suis ratio utitur ac res
  16. ut quaeque est, ita suppliciis delicta coercet?
  17. siquis eum servum, patinam qui tollere iussus
  18. semesos piscis tepidumque ligurrierit ius,
  19. in cruce suffigat, Labeone insanior inter
  20. sanos dicatur. quanto hoc furiosius atque