Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Delius inspirat vates, aperitque futura.
  2. Iam subeunt Triviae lucos atque aurea tecta.
  3. Daedalus, ut fama est, fugiens Minoïa regna,
  4. praepetibus pennis ausus se credere caelo,
  5. insuetum per iter gelidas enavit ad Arctos,
  6. Chalcidicaque levis tandem super adstitit arce.
  7. Redditus his primum terris, tibi, Phoebe, sacravit
  8. remigium alarum, posuitque immania templa.
  9. In foribus letum Androgeo: tum pendere poenas
  10. Cecropidae iussi—miserum!—septena quotannis
  11. corpora natorum; stat ductis sortibus urna.