Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. insequitur Salius; spatio post deinde relicto
  2. tertius Euryalus:
  3. Euryalumque Helymus sequitur; quo deinde sub ipso
  4. ecce volat calcemque terit iam calce Diores,
  5. incumbens umero, spatia et si plura supersint,
  6. transeat elapsus prior, ambiguumque relinquat.
  7. Iamque fere spatio extremo fessique sub ipsam
  8. finem adventabant, levi cum sanguine Nisus
  9. labitur infelix, caesis ut forte iuvencis
  10. fusus humum viridisque super madefecerat herbas.
  11. Hic iuvenis iam victor ovans vestigia presso
  12. haud tenuit titubata solo, sed pronus in ipso
  13. concidit immundoque fimo sacroque cruore.
  14. Non tamen Euryali, non ille oblitus amorum;
  15. nam sese opposuit Salio per lubrica surgens;
  16. ille autem spissa iacuit revolutus harena.
  17. Emicat Euryalus, et munere victor amici
  18. prima tenet, plausuque volat fremituque secundo.
  19. Post Helymus subit, et nunc tertia palma Diores.
  20. Hic totum caveae consessum ingentis et ora