Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. urbs Etrusca solo. Sequitur pulcherrimus Astur,
  2. Astur equo fidens et versicoloribus armis.
  3. Tercentum adiciunt (mens omnibus una sequendi)
  4. qui Caerete domo, qui sunt Minionis in arvis,
  5. et Pyrgi veteres intempestaeque Graviscae.
  6. Non ego te, Ligurum ductor fortissime bello,
  7. transierim, Cinyre, et paucis comitate Cupavo,
  8. cuius olorinae surgunt de vertice pennae,
  9. crimen, Amor, vestrum formaeque insigne paternae.
  10. Namque ferunt luctu Cycnum Phaethontis amati,
  11. populeas inter frondes umbramque sororum
  12. dum canit et maestum Musa solatur amorem,
  13. canentem molli pluma duxisse senectam,
  14. linquentem terras et sidera voce sequentem.
  15. Filius, aequalis comitatus classe catervas,
  16. ingentem remis Centaurum promovet: ille
  17. instat aquae saxumque undis immane minatur
  18. arduus et longa sulcat maria alta carina.
  19. Ille etiam patriis agmen ciet Ocnus ab oris,
  20. fatidicae Mantus et Tusci filius amnis,