Aeneid
Virgil
Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.
- Tros Rutulusne fuat nullo discrimine habebo.
- Seu fatis Italum castra obsidione tenentur
- sive errore malo Troiae monitisque sinistris.
- Nec Rutulos solvo: sua cuique exorsa laborem
- fortunamque ferent. Rex Iuppiter omnibus idem.
- Fata viam invenient. Stygii per flumina fratris,
- per pice torrentis atraque voragine ripas
- adnuit et totum nutu tremefecit Olympum.
- Hic finis fandi. Solio tum Iuppiter aureo
- surgit, caelicolae medium quem ad limina ducunt.
- Interea Rutuli portis circum omnibus instant
- sternere caede viros et moenia cingere flammis.
- At legio Aeneadum vallis obsessa tenetur,
- nec spes ulla fugae. Miseri stant turribus altis
- nequiquam et rara muros cinxere corona
- Asius Imbrasides Hicetaoniusque Thymoetes
- Assaracique duo et senior cum Castore Thymbris,
- prima acies; hos germani Sarpedonis ambo