Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- uince mari: iam terra tua est: tibi militat arcus
- et fauet ex umeris hoc onus omne meis.
- e metu patriam, quae nunc te uindice freta
- imposuit prorae publica uota tuae.
- quam nisi defendes, murorum Romulus augur
- ire Palatinas non bene uidit auis.
- et nimium remis audent prope: turpe Latinis
- principe te fluctus regia uela pati.
- nec te, quod classis centenis remiget alis,
- terreat: inuito labitur illa mari:
- quodque uehunt prorae Centaurica saxa minantis,
- tigna caua et pictos experiere metus.
- frangit et attollit uires in milite causa;
- quae nisi iusta subest, excutit arma pudor.
- tempus adest, committe ratis! ego temporis auctor
- ducam laurigera Iulia rostra manu.’