Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. adde Hymenaee modos, tubicen fera murmura conde:
  2. credite, uestra meus molliet arma torus.
  3. et iam quarta canit uenturam bucina lucem,
  4. ipsaque in Oceanum sidera lapsa cadunt.
  5. experiar somnum, de te mihi somnia quaeram:
  6. fac uenias oculis umbra benigna meis.’
  7. dixit, et incerto permisit bracchia somno,
  8. nescia se furiis accubuisse nouis.
  9. nam Vesta, Iliacae felix tutela fauillae,
  10. culpam alit et plures condit in ossa faces.
  11. illa ruit, qualis celerem prope Thermodonta
  12. Strymonis abscisso fertur aperta sinu.
  13. urbi festus erat (dixere Parilia patres),
  14. hic primus coepit moenibus esse dies,
  15. annua pastorum conuiuia, lusus in urbe,
  16. cum pagana madent fercula diuitiis,
  17. cumque super raros faeni flammantis aceruos
  18. traicit immundos ebria turba pedes.
  19. Romulus excubias decreuit in otia i
  20. atque intermissa castra silere tuba.