Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. de se narranti tu modo crede deo.
  2. opportuna mea est cunctis natura figuris:
  3. in quamcumque uoles uerte, decorus ero.
  4. indue me Cois, fiam non dura puella:
  5. meque uirum sumpta quis neget esse toga?
  6. da falcem et torto frontem mihi comprime faeno:
  7. iurabis nostra gramina secta manu.
  8. arma tuli quondam et, memini, laudabar in illis:
  9. corbis et imposito pondere messor eram.
  10. sobrius ad lites: at cum est imposta corona,
  11. clamabis capiti uina subisse meo.
  12. cinge caput mitra, speciem furabor Iacchi;
  13. furabor Phoebi, si modo plectra dabis.
  14. cassibus impositis uenor: sed harundine sumpta
  15. fautor plumoso sum deus aucupio.
  16. est etiam aurigae species Vertumnus et eius
  17. traicit alterno qui leue pondus equo.
  18. suppetat hic, piscis calamo praedabor, et ibo
  19. mundus demissis institor in tunicis.
  20. pastorem ad baculum possum curuare uel idem