Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. annuaque accenso celebrante Parilia faeno,
  2. qualia nunc curto lustra nouantur equo.
  3. Vesta coronatis pauper gaudebat asellis,
  4. ducebant macrae uilia sacra boues.
  5. parua saginati lustrabant compita porci,
  6. pastor et ad calamos exta litabat ouis.
  7. uerbera pellitus saetosa mouebat arator,
  8. unde licens Fabius sacra Lupercus habet.
  9. nec rudis infestis miles radiabat in armis:
  10. miscebant usta proelia nuda sude.
  11. prima galeritus posuit praetoria Lycmon,
  12. magnaque pars Tatio rerum erat inter ouis.
  13. hinc Tities Ramnesque uiri Luceresque Soloni,
  14. quattuor hinc albos Romulus egit equos.
  15. quippe suburbanae parua minus urbe Bouillae
  16. et, qui nunc nulli, maxima turba Gabi.
  17. et stetit Alba potens, albae suis omine nata,
  18. ac tibi Fidenas longa erat isse uia.