Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- 'irascor, quoniam's, lente, moratus heri.
- an tibi nescio quae visast formosior? an tu
- non bona de nobis crimina ficta iacis?'
- aut dixit: 'venies hodie, cessabimus una:
- hospitium tota nocte paravit Amor,'
- et quaecumque volens reperit non stulta puella
- garrula, cum blandis dicitur hora dolis.
- me miserum, his aliquis rationem scribit avarus
- et ponit duras inter ephemeridas!
- quas si quis mihi rettulerit, donabitur auro:
- quisenta velit?
- i puer, et citus haec aliqua propone columna,
- et dominum Esquiliis scribe habitare tuum.
- Falsast ista tuae, mulier, fiducia formae,
- olim oculis nimium facta superba meis.
- noster amor talis tribuit tibi, Cynthia, laudes:
- versibus insignem te pudet esse meis.
- mixtam te varia laudavi saepe figura,
- ut, quod non esses, esse putaret amor;
- et color est totiens roseo collatus Eoo,