Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- sed numquam vitae fallet me ruga severae:
- omnes iam norunt quam sit amare bonum.
- LYNCEVS ipse meus seros insanit amores!
- m te nostros laetor adire deos.
- quid tua Socraticis tibi nunc sapientia libris
- proderit aut rerum dicere posse vias?
- aut quid Erechthei tibi prosunt carmina lecta?
- nil iuvat in magno vester amore senex.
- tu satius memorem Musis imitere Philitan
- et non inflati somnia Callimachi.
- nam rursus licet Aetoli referas Acheloi,
- fluxerit ut magno fractus amore liquor,
- atque etiam ut Phrygio fallax Maeandria campo
- errat et ipsa suas decipit unda vias,
- qualis et Adrasti fuerit vocalis Arion,
- tristis ad Archemori funera victor equus: