Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- acrior, ut moriar, venerit alter amor!
- ac veluti primo taurus detractat aratra,
- post venit assueto mollis ad arva iugo,
- sic primo iuvenes trepidant in amore feroces,
- dehinc domiti post haec aequa et iniqua ferunt.
- turpia perpessus vates est vincla Melampus,
- cognitus Iphicli surripuisse boves;
- quem non lucra, magis Pero formosa coegit,
- mox Amythaonia nupta futura domo.
- Multa prius dominae delicta queraris oportet,
- saepe roges aliquid, saepe repulsus eas,
- et saepe immeritos corrumpas dentibus unguis,
- et crepitum dubio suscitet ira pede!
- nequiquam perfusa meis unguenta capillis,
- ibat et expenso planta morata gradu.
- non hic herba valet, non hic nocturna Cytaeis,
- non Perimedaeae gramina cocta manus;
- nam cui non ego sum fallaci praemia vati?
- quae mea non decies somnia versat anus?
- quippe ubi nec causas nec apertos cernimus ictus,