Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et tibi ob invidiam Nereides increpitarent,
  2. candida Nesaee, caerula Cymothoe.
  3. sed tibi subsidio delphinum currere vidi,
  4. qui, puto, Arioniam vexerat ante lyram.
  5. iamque ego conabar summo me mittere saxo,
  6. cum mihi discussit talia visa metus.
  1. NUNC admirentur quod tam mihi pulchra puella
  2. serviat et tota dicar in urbe potens!
  3. non, si Cambysae redeant et flumina Croesi,
  4. dicat ' De nostro surge, poeta, toro.'
  5. nam mea cum recitat, dicit se odisse beatos:
  6. carmina tam sancte nulla puella colit.