Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec te decipiat, quod sit satis illa parata:
  2. acrius illa subit, Pontice, si qua tuast,
  3. quippe ubi non liceat vacuos seducere ocellos,
  4. nec vigilare alio limine cedat Amor.
  5. qui non ante patet, donec manus attigit ossa:
  6. quisquis es, assiduas tu fuge blanditias!
  7. illis et silices et possint cedere quercus,
  8. nedum tu possis, spiritus iste levis.
  9. quare, si pudor est, quam primum errata fatere:
  10. dicere quo pereas saepe in amore levat.