Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quid si non esset facilis tibi copia! nunc tu
  2. insanus medio flumine quaeris aquam.
  3. necdum etiam palles, vero nec tangeris igni:
  4. haec est venturi prima favilla mali.
  5. tum magis Armenias cupies accedere tigres
  6. et magis infernae vincula nosse rotae,
  7. quam pueri totiens arcum sentire medullis
  8. et nihil iratae posse negare tuae.
  9. nullus Amor cuiquam facilis ita praebuit alas,
  10. ut non alterna presserit ille manu.