Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tu sola humanos numquam miserata dolores
  2. respondes tacitis mutua cardinibus.
  3. te non ulla meae laesit petulantia linguae;
  4. quae solet irato dicere tanta ioco,
  5. ut me tam longa raucum patiare querela
  6. sollicitas trivio pervigilare moras?
  7. at tibi saepe novo deduxi carmina versu,
  8. osculaque innixus pressa dedi gradibus.
  9. ante tuos quotiens verti me, perfida, postes,
  10. debitaque occultis vota tuli manibus!'
  11. haec ille et si quae miseri novistis amantes,
  12. et matutinis obstrepit alitibus.
  13. sic ego nunc dominae vitiis et semper amantis
  14. fletibus alterna differor invidia.
  1. Et merito, quoniam potui fugisse puellam,
  2. nunc ego desertas alloquor alcyonas.
  3. nec mihi Cassiope salvo visura carinam,
  4. omniaque ingrato litore vota cadunt.
  5. quin etiam absenti prosunt tibi, Cynthia, venti:
  6. aspice, quam saevas increpat aura minas.