De Rerum Natura

Lucretius

-

  1. tu fac utrumque uno subiungas nomine eorum
  2. atque animam verbi causa cum dicere pergam,
  3. mortalem esse docens, animum quoque dicere credas,
  4. qua tenus est unum inter se coniunctaque res est.
  5. Principio quoniam tenuem constare minutis
  6. corporibus docui multoque minoribus esse
  7. principiis factam quam liquidus umor aquai
  8. aut nebula aut fumus —; nam longe mobilitate
  9. praestat et a tenui causa magis icta movetur,
  10. quippe ubi imaginibus fumi nebulaeque movetur;
  11. quod genus in somnis sopiti ubi cernimus alte
  12. exhalare vaporem altaria ferreque fumum;
  13. nam procul haec dubio nobis simulacra
  14. nunc igitur quoniam quassatis undique vasis
  15. diffluere umorem et laticem discedere cernis,
  16. et nebula ac fumus quoniam discedit in auras,
  17. crede animam quoque diffundi multoque perire
  18. ocius et citius dissolvi in corpora prima,
  19. cum semel ex hominis membris ablata recessit;
  20. quippe etenim corpus, quod vas quasi constitit eius,