Phormio

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Homo adolescens si habet unam amicam, tu uxores duas?
  2. Nihil pudere! Quo ore illum obiurgabis? responde mihi.
De.
  1. Faciet ut voles.
Na.
  1. Immo, ut meam iam scias sententiam,
  2. Neque ego ignosco neque promitto quicquam; neque respondeo,
  3. Prius quam gnatum video: eius iudicio permitto omnia;
  4. Quod is iubebit, faciam.
Ph.
  1. Mulier sapiens es, Nausistrata.
Na.
  1. Satin tibi est Chreme?
Ch.
  1. Immo vero pulchre discedo et probe,
  2. Et praeter spem.
Na.
  1. Tu tuum nomen die quod est.
Ph.
  1. Mihin? Phormio:
  2. Vestrae familiae hercle amicus, et tuo summus Phaedriae.
Na.
  1. Phormio, at ego ecastor posthac tibi quod potero et quae voles
  2. Faciamque et dicam.
Ph.
  1. Benigne dicis.
Na.
  1. Pol meritum est tuum.
Ph.
  1. Vin primum hodie facere quod ego gaudeam, Nausistrata,
  2. Et quod tuo viro oculi doleant?
Na.
  1. Cupio.
Ph.
  1. Me ad coenam voca.
Na.
  1. Pol vero voco.
De.
  1. Eamus intro hinc.
Ch.
  1. Fiat: sed ubi est Phaedria,
  2. Iudex noster?