Stichus

Plautus, Titus Maccius

Plautus. Leo, Friedrich

  1. nihil est. tene aquam.
Sang.
  1. Melius dicis; nil moror cuppedia.
  2. bibe, tibicen. age si quid agis, bíbendum hercle hoc est, ne nega.
  3. quid hic fastidis quod faciundum vides esse tibi? quin bibis?
  4. age si quid agis accipe inquam. non hoc tuo fit sumptu: inpendet publicum.
  5. haud tuom istúc est te vereri. éripe ex ore tibias.
Stich.
  1. Vbi illic biberit, vel servato meum modum vel tu dabo. †
  2. nolo ego nos † prosumo bibere. nulli rei erimus postea;
  3. namque edepol quam vis desubito vel cadus verti potest.
Sang.
  1. Quid igitur? quamquam gravatus fuisti, non nocuit tamen.