Pseudolus

Plautus, Titus Maccius

Plautus. Leo, Friedrich

  1. ne quisquam credat nummum, iam edicam omnibus.
Ps.
  1. Numquam edepol quoiquam supplicabo, dum quidem
  2. tu vives. tu mihi hercle árgentum dabis,
  3. abs te equidem sumam.
Sim.
  1. Tu a me sumes?
Ps.
  1. Strenue.
Sim.
  1. Excludito mi hercle oculum, si dedero.
Ps.
  1. Dabis.
  2. iam dico ut a me caveas.
Sim.
  1. Certe edepol scio,
  2. si apstuleris, mirum et magnum facinus feceris.
Ps.
  1. Faciam.
Sim.
  1. Si non apstuleris?
Ps.
  1. Virgis caedito.
  2. sed quid, si apstulero?
Sim.
  1. Do Iovem testem tibi,
  2. te aetatem impune habiturum.
Ps.
  1. Facito ut memineris.
Sim.
  1. Egon ut cavere nequeam, cui praedicitur?
Ps.
  1. Praedico, ut caveas. dico, inquam, ut caveas. cave.