Pseudolus

Plautus, Titus Maccius

Plautus. Leo, Friedrich

  1. Recita modo: ex tabellis iam faxo scies
  2. quam subito argento mi usus invento siet.
Ps.
  1. “Leno me peregre militi Macedonio
  2. minis viginti vendidit, voluptas mea;
  3. et prius quam hinc abiit, quindecim miles minas
  4. dederat; nunc unae quinque remorantur minae.
  5. ea caúsa miles hic reliquit symbolum,
  6. expressam in cera ex anulo suam imaginem,
  7. ut qui huc adferret eius similem symbolum,
  8. cum eo simul me mitteret. ei rei dies
  9. haec praestituta est, proxuma Dionysia.”
  10. cras ea quidem sunt.
Cal.
  1. Prope adest exitium mihi,
  2. nisi quid mihi in te est auxili.
Ps.
  1. Sine pellegam.
Cal.
  1. Sino, nám mihi videor cúm ea fabularier;
  2. lege: dulce amarumque una nunc misces mihi.
Ps.
  1. “Nunc nostri amores mores consuetudines,
  2. iocus lúdus sermo suavisaviatio
  3. compressiones artae amantum corporum,