Pseudolus

Plautus, Titus Maccius

Plautus. Leo, Friedrich

  1. verum ita vos estis praediti callenti ingenio ímprobi,
  2. officium vestrum ut vos malo cogatis commonerier;
  3. nempe íta animati éstis vos: vincítis duritia hoc átque me.
  4. hoc sis vide, ut alias res agunt. hoc ágite, hoc animum advortite,
  5. huc adhibete auris quae ego loquor, plagigera genera hóminum.
  6. numquam edepol vostrum durius tergum erit quam terginum hoc meum.
  7. quid nunc? doletne? em sic datur, si quis erum servos spernit.