Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. satis praeceptumst.
Agor.
  1. Hic trecentos nummos numeratos habet.
Adv.
  1. Ergo nos inspicere oportet istuc aurum, Agorastocles,
  2. ut sciamus quid dicamus mox pro testimonio.
Coll.
  1. Agite, inspicite.
Adv.
  1. Aurum est profecto hoc, spectatores, comicum:
  2. macerato hoc pingues fiunt auro in barbaria boves;
  3. verum ad hanc rem agundam Philippum est: ita nos adsimulabimus.
Coll.
  1. Sed ita adsimulatote quasi ego sim peregrinus.
Adv.
  1. Scilicet,
  2. et quidem quasi tu nobiscum adveniens hodie oraveris,
  3. liberum ut commostraremus tibi locum et voluptarium,
  4. ubi ames, potes, pergraecere.
Coll.
  1. Eu, edepol mortales malos.
Agor.
  1. Ego enim docui.
Mil.
  1. Quis te porro?
Coll.
  1. Agite intro abite, Agorastocles,
  2. ne hic vos mecum conspicetur leno neu fallaciae
  3. praepedimentum obiciatur.
Adv.
  1. Hic homo sapienter sapit.