Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Et iubeo et sino;
  2. sed ita volo te ire, ut domí sis, cum ego te esse illi censeam.
Paeg.
  1. Faciam.
Tox.
  1. Quo ergo is nunc?
Paeg.
  1. Domum: uti domi sim, quom illi censeas.
Tox.
  1. Scelus tu pueri es, atque ob istánc rem ego aliqui te peculiabo.
Paeg.
  1. Scio fide hercle erili ut soleat impudicitia opprobrari
  2. nec subigi queantur umquam, ut pro éa fide habeant iudicem.
T.
  1. Abi modo.
P.
  1. Ego laudabis faxo.
T.
  1. Sed has tabellas, Paegnium,
  2. ipsi Lemniseleni fac des et quae iussi nuntiato.
Soph.
  1. Cesso ire ego quo missa sum?
P.
  1. Eo ego.
T.
  1. I sane. ego domum ibo. face rem hanc cum cura geras.
  2. vola curriculo.—
Paeg.
  1. Istuc marinus passer per circum solet.
  2. illic hinc abiit intro huc. sed quis haec ést quae med advorsum incedit?
S.
  1. Paegnium hic quidem est.
P.
  1. Sophoclidisca haéc peculiarest eius