Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Minime;
  2. nam tu te vilem feceris, si te ultro largiere:
  3. sine ultro veniat; quaeritet, desideret, exspectet
  4. sine: perdere istam gloriam vis, quám habes? cave sis faxis.
  5. nam nulli mortali scio obtigisse hoc, nisi duobus,
  6. tibi et Phaoni Lesbio, tam mulier sé ut amaret.
Acr.
  1. Eo íntro, aut tu illum huc evoca foras, mea Milphidippa.
Milph.
  1. Immo opperiamur, dum exeat aliquis.
Acr.
  1. Durare nequeo,
  2. quin eam intro.
Milph.
  1. Occlusae sunt foris.
Acr.
  1. Exfringam.
Milph.
  1. Sana non es.
Acr.
  1. Si amavit umquam aut si parem sapientiam habet ac formam,
  2. per amorem si quid fecero, clementi ánimo ignoscet.
Pal.
  1. Vt, quaeso, amore perditast tuo misera.
Pyrg.
  1. Mutuom fit.
Pal.
  1. Tace, ne aúdiat.
Milph.
  1. Quid astitisti obstupida? cur non pultas?
Acr.
  1. Quia non est intus quem ego volo.