Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Vale, vince ét me serva.
E.
  1. Ego fecero.
  2. domi maneto me.
Char.
  1. Ergo actutum face cum praeda recipias.—
Lysimachvs
  1. Amíce amico operam dedi: vicinus quod rogavit,
  2. hoc emi mercimonium. mea es tu, sequere sane.
  3. ne plora: nimis stulte facis, oculos corrumpis tales.
  4. quin tibi quidem quod rideas magis est, quam ut lamentere.
Pasicompsa
  1. Amabo ecastor, mi senex, eloquere—
Lys.
  1. Exquire quidvis.
Pas.
  1. Cur emeris me.
Lys.
  1. Tene ego? ut quod imperetur facias,
  2. item quod tu mihi si imperes, ego faciam.
Pas.
  1. Facere certumst
  2. pro copia et sapientia quae te velle arbitrabor.