Mercator

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Nugas ago.
  2. quam restito, tam maxime res in periclo vortitur.
Char.
  1. Mali nescio quid nuntiat.
Acan.
  1. Genua hunc cursorem deserunt;
  2. perii, seditionem facit lien, óccupat praecordia,
  3. perii, animam nequeo vertere, nimis nihili tibicen siem.
Char.
  1. At tu edepol sume laciniam atque absterge sudorem tibi.
Acan.
  1. numquam edepol omnes balineae mi hanc lassitudinem eximent.
  2. domin án foris dicam esse erum Charinum?
Char.
  1. Ego animi pendeo.
  2. quíd illud sit negoti lubet scire, ex hoc metu ut eximar.
Acan.
  1. Át etiam asto? at etiam cesso foribus facere hisce assulas?
  2. áperite aliquis. ubi Charinus est erus? dómin est an foris?
  3. num quísquam adire ad ostium dignum arbitratur?
Char.
  1. Ecce me,
  2. Acanthio, quem quaeris.
Acan.
  1. Nusquamst disciplina ignavior.
Char.
  1. Quae té malae res ágitant?
Acan.
  1. Multae, ere, te átque me.
Char.
  1. Quid ést negoti?