Casina

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Úbi tu es, qui cólere mores Mássilienses póstulas?
  2. nunc tu si vis subigitare me, probast occasio.
  3. redi sis in cubiculum; periisti hercle. age, accede huc modo.
  4. nunc ego tecum aequom arbitrum extra considium captavero.
Lys.
  1. Perii, fusti defloccabit iam illic homo lumbos meos.
  2. hac iter faciundumst, nam illac lumbifragiumst obviam.
Cleos.
  1. Iubeo te salvere, amator.
Lys.
  1. Ecce autem uxor obviamst:
  2. nunc ego intér sacrum saxumque sum nec quo fugiam scio.
  3. hac lupi, hac canes: lupina scaeva fusti rem gerit;
  4. hercle opinor permutabo ego illuc nunc verbum vetus:
  5. hac ibo, caninam scaevam spero meliorem fore.
Myrr.
  1. Quid agis, dismarite?
Cleos.
  1. Mi vir, unde hoc ornatu advenis?
  2. quid fecisti scipione aut quod habuisti pallium?
Myrr.
  1. In adulterio, dum moechissat Casinam, credo perdidit.
Lys.
  1. Occidi.
Ch.
  1. Etiamne imus cubitum? Casina sum.
L.
  1. I in malam crucem.
Chal.
  1. Non amas me?