Casina

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. sorti sum victus, Casina nubet vilico.
  2. atque id non tam aegrest iam, vicisse vilicum,
  3. quam id expetivisse opere tam magno senem,
  4. ne ea mihi daretur atque ut illi nuberet.
  5. ut illé trepidabat, ut festinabat miser;
  6. ut sussultabat, postquam vicit vilicus.
  7. attat, concedam huc, audio aperiri foris,
  8. mei benevolentes atque amici prodeunt.
  9. hinc ex insidiis hisce ego insidias dabo.
Olympio
  1. Sine modo rus veniat: ego remittam ad te virum
  2. cum furca in urbem tamquam carbonarium.
Lysidamvs
  1. Ita fieri oportet.
Ol.
  1. Factum et curatum dabo.
Lys.
  1. Volui Chalinum, si domi esset, mittere
  2. tecum obsonatum, ut etiam in maerore insuper
  3. inimico nostro miseriam hanc adiungerem.
Chal.
  1. Recessim cedam ad parietem, imitabor nepam;