Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. illuc regredere ab ostio. illuc sis vide,
  2. ut incédit. at scin quo modo tibi res se habet?
  3. si hercle hodie fustem cepero aut stimulum in manum,
  4. testudineum istum tibi ego grandibo gradum.
Staph.
  1. Vtinam me divi adaxint ad suspendium
  2. potius quidem quam hoc pacto apud te serviam.
Evcl.
  1. At ut scelesta sola secum murmurat.
  2. oculos hercle égo istos, improba, ecfodiam tibi,
  3. ne me observare possis quid rerum geram.
  4. abscede etiam nunc—etiam nunc—etiam—ohe,
  5. istic astato. si hercle tu ex istoc loco
  6. digitum transvorsum aut unguem latum excesseris
  7. aut si respexis, donicum ego te iussero,
  8. continuo hercle ego te dedam discipulam cruci.
  9. scelestiorem me hac anu certo scio
  10. vidisse numquam, nimisque ego hanc metuo male,
  11. ne mi ex insidiis verba imprudenti duit
  12. neu persentiscat aurum ubi est absconditum,