Chronica

Severus, Sulpicius

Severus, Sulpicius. Sulpicii Severi libri qui supersunt (Corpus Scriptorum Ecclesiasticorum Latinorum, Volume 1). Halm, Karl, editor. Vienna: Gerold, 1866.

Sed ut temporum ordo consertus sit ac liqueat euidentius, quis hic fuerit Antiochus, regum, qui post Alexandrum in Syria fuerant, et nomina et tempora enumerabimus.

defuncto, ut supra retulimus, rege Alexandro, ab amicis eius regnum omne diuisum ac regio nomine aliquamdiu administratum est. Seleucus post nouem annos in Syria rex est appellatus, regnauitque annos n et xxx. post eum Antiochus, filius eius, annos unum de uiginti.

inde Antiochus, Antiochi filius, qui et Theus cognominatus est, annos xv. post hunc Seleucus filius, cognomine Callinicus, annos unum et uiginti. item Seleucus, filius Callinici, annos tres.

hoc defuncto Antiochus frater [Callinici] Asiam et Syriam tenuit annos vn et xxx. hic est Antiochus, aduersus quam Lucius Scipio Asiaticus bellauit: quo bello uictus et imperii parte multatus eet. hic duos filios habuit, Seleucum et Antiochum, quem obsidem Romanis dederat.

ita Antiocho magno mortuo Seleucus filius eius natu maior regnum indeptus est, sub quo Oniam sacerdotem a Simone insimulatum diximus. tum Antiochus a Romanis dimissus datusque in locum eius obses Demetrius, Seleuci regis, qui eo tempore regnabat, filius. Seleuco mortuo anno imperii duodecimo regnum frater Antiochus, qui Romae obses fuerat, occupauit.

is post quinquennium quam regnare coeperat, ut supra docuimus, Hierosolymam depopulatus est. etenim graue Romanis stipendium pensitans ipse inmensis sumptibus paene necessario cogebatur pecunias rapto quaerere neque ullam praedandi occasionem omittere.

post biennium deinde, pari rursum clade affectis Iudaeis, ne forte frequentibus malis compulsi bellum sumerent, [*]( 1 m. caede urbem uastanit coni. Sigonius probabUiter 2 uno b: imo P; minus uerisimUe est imo ex dittographia ortum esse, cf ; de Prato ad h. l. de chronologia 7 fuerant P: fuerunt b 12 qui et theus P: qui Ettbaeus b 15 Callinici delenchm esse uidit de Prato 16 Lucios Scipio nos: ut suscipio P, Scipio b 17 Asiaticiu de Prato: asyana gens P, Africani frater b 19 eius filius b 20 maior P, nt coni. de Prato: minor b II adeptus b II omam P 21 aymone P 27 Bomptibus deditus coni. de Prato )

76
praesidium arci imposuit. inde sacram legem euertere aggressus mittit edictum, ut omnes relictis maiorum traditionibus gentilium ritu uiuerent.

nec defuere qui profano imperio uolentes parerent. tum uero foedum spectaculum: per uniuersas urbes palam. in plateis litabatur, sacra etiam legis et prophetarum uolumina igni cremata.