Chronica

At in Samaria Zachariam regem admodum impium, quem superius regnasse memorauimus, Sella quidam interemit [*]( 1 IV Reg. 15. 7 Jon. 1 sqq. 29 IV Reg. 15. ) [*](2 duos b 4 ammanitanim P 6 azhaz P 7 id] in P 8 assure P: Assur b n Sem DrumtM: Seon Pb; cf. Genes. 10, 22 10 oitiis b: diuitiia P II queis b 12 Gomorrha b 14 Dominum b 16 Tharsis Drusim, ut LXX ii, Θαρσlς 19 coeto P II marino monstro obelo notauit Vonck 23 at statim malebat de Prato 24 abstinentur P: abstinere iubentur b 28 negare P 29 samariã P 30 Sella] ∑ελλούμ LXX in Reg. 4, 15, 10 )

eundem uero Paehe quidam eiusdem nominis interemit regnumque occupauit. mox ab Osee peremptus eodem scelere quo assumpserat imperium amisit.

hic ultra omnes reges superiores impius poenam sibi perpetuamque genti captiuitatem a Deo meruit. namque ei Salmanassar rex Assyriorum intulit bellum uictumque tributarium sibi effecit.

sed cum occultis consiliis rebellionem pararet regemque Aethiopum, qui tum Aegyptum optinebat, in auxilium arcesseret idque Salmanassar comperisset, perpetuis eum uinculis in carcerem coniecit urbemque excidit, populum uniuersum in regnum suum abduxit, Assyriis in hostili solo ad custodiam positis. exinde ea pars Samaria appellata, quod lingua Assyriorum custodes Samaritas uocant. ex quibus plerique diuinas caeremonias receperunt, reliquis in errore gentilitatis perseuerantibus.

hoc bello Tobias in captiuitatem ductus est. at in parte duarum tribuum rex Achaz ob impietatem inuisus Deo, cum finitimorum bellis saepe premeretur, deos gentium colere decreuit, nimirum quia eorum auxilio uictoresfrequentibus proeliis extitissent. ita in hoc nefariae mentis piaculo diem functus est, cum xvi annis in regno fuisset.