Chronica

His a Deo dictis, cum tubae circwnstreperent, lampades inardescerent, montem fumus obtegeret, populus prae timore inhorruit, uerba Dei non sustinens: poposcitque a Moyse, ut ipsi tantum loqueretur Deus atque ita audita ad populum referret.

edicta autem Dei ad Moysen istius modi sunt: Hebraeus puer pecunia emptus sex annis seruiet, post haec liber erit: sponte autem permanenti in seruitute auris forabitur. qui hominem occiderit, capite poenas luet: qui imprudens, rite exui erit. qui patrem matremne pulsauerit conuiciumue eis dixerit, capitali supplicio afficitor.

si quis Hebraeum subreptum uendiderit, morti dabitur. si quis seruum proprium seruamue percusserit exque eo ictu obierit, reus in iudicio fiet. si quis partum non deformatum mulieri excusserit... neci dabitur. si quis seruo oculum aut dentem extorserit, seruus uindicta liberabitur.

taurus si hominem occiderit, lapidabitur: si dominus sciens bestiae uitium non consuluerit, et ipse lapidabitur, aut pretio se redimat, in quantum accusator poposcerit. si seruum taurus occiderit, in triginta didrachmis pecunia domino numerabitur.

si quis defossum lacum non cooperuerit pecusque ui lacum : [*]( 2 Eiod. 20. 14 Exod. 21. ) [*]( 4 Dei alieni b 5 silmes P 7 non occides om. P 13 Dominus b 16 qui prudens hominem Sigonius 18 conuiciumque Pb, em. de Prato II afficitur P 20 isque malebat Vonck II in om. b 21 excusserit] Exod. 31,22: \'Εάv ih μάχωvται dvo ἄvδρες παι πατάξωσι γυναϊxα ξv γαστρϊ tyouoav, xal έξέλϑη τό παιδlov aύτης έξειxονισμένον , έπιζήμιον ζημιω- ϑὴσεται\' xaaort av έπιβάλη o άνηρ τη̃ς γυναιxóς, δώσει pera áξιώματος. έάν δέ ξξειxονισμένον 9, δώσει Ψυχὴν avrl Ψυχη̃ς. Suppleuit de Prato secundum Drusium: si quis partum non deformatum mulieri excusserit, [multam pendet; si deformatum] neci dabitur. 26 dragmis P, em. Dru- siw ex LXX Exod. 21, 32 ) [*]( 2* )

si quis uitulum subripuerit, quinque restituet: si ouem subripuerit, quadrupli poena erit: si uiua penes abactorem pecora reperientur, dupla restituet. nocturnum furem occidi licet , diurnum non licet. si cuius pecora alterius sata depauerint, dominus pecoris euersa restituet. si depositum perierit, is, penes quem depositum fuit, iurabit nihil se dolo egisse. fur inuentus duplum dabit. commendatum pecus a bestia interceptum non restituetur.

si quis uirginem nondum desponsatam corruperit, dotabit puellam et ita eam uxorem accipiet: si pater puellae nuptias recusauerit, dotem raptor dabit. si quis se pecudi miscuerit, morti dabitur.

sacrificans idolis pereat. uiduam et orphanum non premendos : pauperem debitorem non perurguendum, nec usuram poscendam: Testimentum pauperis pro pignore non accipiendum. principem populi non increpandum. primogenita omnia Deo offerenda. carnem a fera captam non edendam. coitiones in testimonium falsum aut in quamcunque malitiam non esse faciendas. [inimici pecus errans non praeteribis, sed reduces. si animal inimici succubuisse oneri inueneris, erigere debebis.

innocentem et iustum non occides. non iustificabis impium pro muneribus.] munera non accipienda aduenam benigne habendum. sex diebus opus faciendum, sabbato requiescendum fructus septimi anni non metendos, sed pauperibus et egenis relinquendos.