Contra Orationem Symmachia
Prudentius
Prudentius, Volume 1-2. Thomson, H. J, editor. London; Cambridge, Mass.: William Heinemann Ltd., Harvard University Press, 1949-1953 (printing).
- unde pererratis vegetet praecordia membris,
- frigida succcndat, riget arida, dura relaxet.
- sic hominis vitam sibi temperat atque gubernat
- vivida mens, quam tu ficto conponere temptas
- murorum 1 genio, qui nusquam est nec fuit umquam,
- quin et corporibus versat mens viva regendis
- summum consilium, fida ut tutacula nudis
- invalidisque paret, metuenda pericula vitet,
- utile prospiciat, varias agitetur ad artes,
- consultet cui se domino submittat et orbis
- quem putet auctorem, quem rerum summa sequatur,
- at tuus hic urbis genius, dicas volo, quando
- coepit adhuc parvae primum se infundere Romae?
- fluxit ab uberibus nemorosa in valle lupinis
- infantesque aluit, dum nascitur ipse, gemellos?
- an cum vulturibus volitans ignota per auras
- umbra repentinam traxit de nube figuram?
- culminibus summis sedet, an penetralia servat?
- instituit mores et iura forensia condit,
- an castrorum etiam fossis intervenit, acres