Hamartigenia

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. liquerit hospitium nervis, cute, sanguine, felle,
  2. ossibus exstructum, corrupta quod incola luxu
  3. heu nimium conplexa fovet, cum flebilis hora
  4. clauserit hos orbes, et conclamata iacebit
  5. materies oculisque suis mens nuda fruetur,
  6. ne cernat truculentum aliquem de gente latronum
  7. inmitem, rabidum, vultuque et voce minaci
  8. terribilem, qui me maculosum aspergine morum
  9. in praeceps, ut praedo, trahat nigrisque ruentem
  10. inmergat specubus, cuncta exacturus ad usque
  11. quadrantem minimum damnosae debita vitae,
  12. multa in thensauris Patris est habitatio, Christe,
  13. disparibus discreta locis, non posco beata
  14. in regione domum; sint illic casta virorum
  15. agmina, pulvereum quae dedignantia censum
  16. divitias petiere tuas, sit flore perenni
  17. candida virginitas animum castrata recisum.
  18. at mihi Tartarei satis est si nulla ministri
  19. occurrat facies, avidae nec flamma gehennae
  20. p.272
  21. devoret hanc animam mersam fornacibus imis.