Hamartigenia

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. insultat virtute pari, sed dispare ferro,
  2. postremum cuneum rex promovet Euvaeorum
  3. squamosum thoraca gerens de pelle colubri,
  4. his subnixa viris scelerum perversa potestas
  5. edomat invalidas mentes, quae simplicitate
  6. indociles bellique rudes sub foedere falso
  7. tristis amicitiae primum socia agmina credunt,
  8. Mammoneamque fidem pacis sub amore sequuntur.
  9. mox faciles ad vincla rapi iuga dura volentes
  10. addictis subeunt cervicibus, et nebulonum
  11. spirituum iussis servire ferocibus optant.
  12. ille,supervacuis augens patrimonia fundis
  13. finitimisque inhians contempto limite agellis,
  14. ducitur innexus manicis et mille catenis
  15. ante triumphales currus post terga revinctus,
  16. nec se barbaricis addictum sentit habenis.
  17. hic, qui ventosae scandit fastigia famae
  18. inflaturque cavo pompae popularis honore,
  19. qui summum solidumque bonum putat ambitionis
  20. crescere successu, praeconum voce trementes