Hamartigenia

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. occiso pastore truces didicere leones,
  2. nec non et querulis balatibus inritatus
  3. plenas nocte lupus studuit perrumpere caulas,
  4. omne animal diri callens sollertia furti
  5. inbuit et tortos acuit fallacia sensus.
  6. quamvis maceries florentes ambiat hortos,
  7. saepibus et densis vallentur vitea rura,
  8. aut populator edet gemmantia germina bruchus,
  9. aut avibus discerpta feris lacerabitur uva.
  10. uid loquar herbarum fibras medicante veneno
  11. tinctas letiferi fudisse pericula suci?
  12. noxius in teneris sapor aestuat ecce frutectis,
  13. cum prius innocuas tulerit natura cicutas,
  14. roscidus et viridem qui vestit flos rhododaphnen
  15. pabula lascivis dederit sincera capellis.
  16. ipsa quoque oppositum destructo foedere certo
  17. transcendunt elementa modum rapiuntque ruuntque
  18. omnia legirupis quassantia viribus orbem.
  19. frangunt umbriferos aquilonum proelia lucos,
  20. et cadit inmodicis silva exstirpata procellis.