Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. ipsum Tonantis agnum
  2. de caede purpurantem,
  3. qui conscium futuri
  4. librum resignat unus.
  5. huius manum potentem
  6. gladius perarmat anceps,
  7. et fulgurans utrimque
  8. duplicem minatur ictum.
  9. quaesitor ille solus
  10. animaeque corporisque,
  11. p.54
  12. ensisque bis timendus
  13. prima ac secunda mors est.
  14. idem tamen benignus
  15. ultor retundit iram,
  16. paucosque non piorum
  17. patitur perire in aevum.
  18. huic inclytus perenne
  19. tribuit Pater tribunal,
  20. hunc obtinere iussit
  21. nomen supra omne nomen.