Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- lex haec data est caducis
- deo iubente membris,
- ut temperet laborem
- medicabilis voluptas,
- sed dum pererrat omnes
- quies amica venas
- pectusque feriatum
- placat rigante somno,
- liber vagat per auras
- rapido vigore sensus,
- variasque per figuras
- quae sunt operta cernit;
- quia mens soluta curis,
- cui est origo caelum
- purusque fons ab aethra,
- iners iacere nescit.
- imitata multiformes
- facies sibi ipsa fingit,
- per quas repente currens
- tenui fruatur actu.
p.50