Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- hic praepotens cruenti
- extinctor Antichristi,
- qui de furente monstro
- pulchrum refert tropaeum.
- quam bestiam capacem
- populosque devorantem,
- quam sanguinis Charybdem
- Iohannis execratur;
- hanc nempe, quae sacratum
- praeferre nomen ausa
- imam petit gehennam
- Christo perempta vero.
- tali sopore iustus
- mentem relaxat heros,
- ut spiritu sagaci
- caelum peragret omne.
- nos nil meremur horum
- quos creber inplet error,
- concreta quos malarum
- vitiat cupido rerum.