Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. sic semina sicca virescunt
  2. iam mortua, iamque sepulta,
  3. uae reddita caespite ab imo
  4. veteres meditantur aristas.
  5. nunc suscipe, terra, fovendum,
  6. gremioque hunc concipe molli:
  7. hominis tibi membra sequestro,
  8. generosa et fragmina credo.
  9. animae fuit haec domus olim
  10. factoris 1 ab ore creatae;
  11. fervens habitavit in istis
  12. Sapientia principe Christo.
  13. tu depositum tege corpus;
  14. non inmemor ille requiret
  15. sua munera fictor et auctor
  16. propriique aenigmata vultus.
  17. veniant modo tempora iusta,
  18. cum spem Deus inpleat omnem,
  19. reddas patefacta necesse est
  20. qualem tibi trado figuram.