Psychomachia
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- tinnitum percussa refert aciemque retundit
- dura resultantem, frangit quoque vena rebellis
- inlisum chalybem, dum 1 cedere)nescia cassos
- excipit adsultus ferienti et tuta resistit.
- Ira, ubi truncati mucronis fragmina vidit
- et procul in partes ensem crepuisse minutas,
- iam capulum retinente manu sine pondere ferri,
- mentis inops ebur infelix decorisque pudendi
- erfida signa abicit monumentaque tristia longe
- spernit, et ad proprium succenditur effera letum.
- missile de multis, quae frustra sparserat, unum
- pulvere de campi perversos sumit in usus:
- rasile figit humi lignum ac se cuspide versa
- perfodit et calido pulmonem vulnere transit,
- quam super adsistens Patientia vicimus, inquit,
- ‘exultans vitium solita virtute, sine ullo
- sanguinis ac vitae discrimine; lex habet istud
- nostra genus belli, furias omnemque malorum
- militiam et rabidas tolerando extinguere vires,
- ipsa sibi est hostis vesania seque furendo
p.290