Liber Peristephanon
Prudentius
Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).
- tardis gressibus inruant in ignem.
- cur lamenta rigant genas madentes?
- cur vestri memor ut fiam rogatis?
- cunctis pro populis rogabo Christum.’
- vix haec ediderat, relaxat ipse
- indumenta pedum, velut Moyses
- quondam fecerat ad rubum propinquans.
- non calcare sacram cremationem
- aut adstare Deo prius licebat
- quam vestigia pura Agerentur.
- stabat calce mera: resultat ecce
- caelo spiritus et serit loquellam,
- quae cunctos tremefecit audientes:
- ‘non est, credite, poena quam videtis,
- quae puncto tenui citata transit,
- nec vitam rapit illa, sed reformat.
- felices animae, quibus per ignem
- celsa scandere contigit Tonantis,
- quas olim fugiet perennis ignis.’
- haec inter rapidis focos crepantes