Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. intrant passibus et minantur ipsis
    2. p.210
  2. flammarum trepidantibus caminis.
  3. nexus denique, qui manus retrorsus
  4. in tergum revocaverant revinctas,
  5. intacta cute decidunt adusti.
  6. non ausa est cohibere poena palmas
  7. in morem crucis ad Patrem levandas;
  8. solvit bracchia, quae Deum precentur.
  9. priscorum specimen trium putares,
  10. quos olim Babylonicum per ignem
  11. cantantes stupuit tremens tyrannus.
  12. illis sed pia flamma tunc pepercit
  13. nondum tempore passionis apto,
  14. nec mortis decus inchoante Christo.
  15. hos cum defugeret vaporus ardor,
  16. orant ut celer ignis advolaret
  17. et finem daret anxiis periclis.
  18. exorata suos obire tandem
  19. maiestas famulos iubet caducis
  20. missos corporibus sibique reddi.