Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- plenus de pleno, iusti de fomite iustus,
- de uero uerus deque deo deus est.
- edita coniugio poterit natura uideri
- tertia, cum medium composuere duae.
- naturae dominus, rerum sator, omnia per quem,
- non aliud potius quam quod eras generas.
- hunc post pro nobis sumpturum pondera carnis,
- cuius principium saecula nescierant,
- infusum reddens dominum sine coniuge mater
- intacto praegnans uirgo parit gremio.
- editur in terra, cognoscunt omnia lucem;
- (nec tamen hanc mundus nec tenebrae capiunt.)
- uerus homo est uerusque deus, non inter utrumque;
- hoc natura negat, hoc probat officium. [*]( 184] (Prou. 8, 80). 212] (Ioh. 1, 9). )[*]( 187 cedere causam (sc. mortis) scripsi, credere causam T 188 nec — nec scripsi, ne — ne T, heic — nec coni. Mai 189 dimittere T 194 leti T 200 800 sancto sanctus T 202 uero uirus T 203 nature T 204 mediam uel duo coni. Mai due T 209 reddes T 211 in T, e Mai 212 ucrsum a T spat. uac. omissum ex Ioh. 1 suppleuit Mai amicus )[*]( 23* )
- Christus, securi tandem noua gaudia mundi
- innumeris dudum scripta uoluminibus,
- Christus, caecorum lumen, purgatio leprae,
- auditus surdis, sollicitis requies,
- claudorum gressus, mutorum lingua, redemptor
- orbis et addicti uera salus populi,
356