Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. uim colligantis perfidam excutiunt luis,
  2. et sana uertuntur domum.
  3. compago quem soluta membratim iubet
  4. lecto sedere debilem,
  5. quem caecitas, crux omnium miserrima,
  6. addixit alieno pedi,
  7. utroque claudum quem uenire poplite
  8. uidet uniuersa ciuitas:
  9. suis redire gressibus domum queunt
  10. nomen celebrantes dei.
  11. salue, o Apollo uere, Paean inclite,
  12. - pulsor draconis inferi!
  13. dulcis tui pharetra testimonii,
  14. quod quattuor constat uiris,
  15. sagitta melle tinctilis prophetico,
  16. pinnata patrum oraculis,
  17. arcus paternae forte uirtutis sonans,
  18. miraculis neruus potens
  19. strauere ueterem morte serpentem sua.
  20. io triumphe nobilis!