Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. ille decem celsis sulcans maria ante carinis
  2. nunc lembum exiguum scandit et ipse regit.
  3. non idem status est agris, non urbibus ullis
  4. omniaque in finem praecipitata ruunt.
  5. ferro peste fame uinclis algore calore,
  6. mille modis miseros mors rapit una homines.
  7. undique bella fremunt, omnes furor excitat, armis
    8. [*](I. aT. — Versus prosperi ad coniugem suam x, incipit tetrametron a •i. decn- -I. aacremui 4 dicemus r, dicemus a 9 fluit a, fugit T 11 cupidasque ax uagas- I • que Prosp., uanas a, uana T 13 mago T 19 netus a magnificas ClT, magnificis Prosp. 23 est om. T 24 fine T 27 fremunt] fremunt cunctos a, sed cunctos exp. m. 2 omnis T arma ex armis a m. 2 )
    345
  8. incumbunt reges regibus innumeris.
  9. impia confuso saeuit discordia mundo,
  10. pax abiit terris; ultima quaeque uides.
  11. et si concluso superessent tempora saeclo
  12. aut posset longos mundus habere dies,
  13. nos tamen occasum nostrum obseruare deceret
  14. et finem uitae quemque uidere suae.
  15. nam mihi quid prodest, quod longo flumina cursu
  16. semper inexhaustis prona feruntur aquis,
  17. multa quod annosae uicerunt saecula siluae
  18. quodque suis durant florea rura locis?
  19. ista manent, nostri sed non mansere parentes.
  20. exigui uitam temporis hospes ago.