Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Sedimus ignotos dirae Babylonis ad amnes
  2. captiui, Iudaea manus, miserabile flentes,
  3. cum patrium memori traheremus pectore Sion
  4. et meritum iusta suspiraremus ab ira
  5. exilium, lentis qua consita ripa salictis
  6. hospitibus populis umbras praebebat amicas.
  7. illic Assyriae mediis in moenibus urbis
  8. obliti laetas per maesta silentia uoces .
  9. de salicum ramis suspendimus organa nostra.
  10. namque dabat nobis durum grauis ira dolorem,
    11. [*]( 22 adfligant 0 24 capessite v, capessito 0 28 amodo v, modo 0 30 ut v, u 0 diuino v, diuine 0 )[*](YIIII. On — Incipit de psalmis quibusdam uersus eiusdem. Psai. centesimus XXXVI 0, incipiunt uersus de psalmo CXXXVI id est de fluminibus babylonis n 1 babilonis n 3 patriam Sacch. 4 iustas 0 5 consista 0 salictis v, salectis On 6 praemebat n 7 assyrie 0 urbes Ov 8 oblite n mesta 0 9 salijfum rami n )
    22
  11. quod solita in sancto depromi cantica templo
  12. haec ad delicias sibi nos cantare iubebat
  13. inpius ille domo qui nos abduxerat hostis.
  14. ergone diuinas laudes et carmina castis
  15. apta choris inter sacra barbara foedaque busta
  16. inter et accensas funestis ignibus aras
  17. heu! male de nostro laetis maerore canemus
  18. deque pio ritu luxum faciemus iniquum,
  19. mystica ad hostilem modulantes cantica ludum?
  20. quo miseri nunc ore sacros cantabimus hymnos?