Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. qui dabit et tanto tribuet tibi gaudia nato.
  2. nec uero tribuet tantum tibi, gloria parua est
  3. intra unam conclusa domum; sed quantus ab ortu
  4. tenditur in serae finita crepuscula lucis,
  5. totus prole tua tecum laetabitur orbis.
  6. quid mirum? cuncta uitiorum faece carebit,
  7. caelestem ducens sine labe et crimine uitam,
  8. uesano seruans abstemia pectora uino
  9. omniaque euitans malesuadi pocula suci,
  10. cumque hominum generi uel post errata salutem,
    11. [*]( 41 abituque probabit N1 42 laxabit N1 pectorae Nl 46 sciuit exвaeuitNfIł.247extintoN4sinterisseNOft(041m.2)N saeuit N m. 2 47 extinto N 48 interisse N fecundaque (°* m. 2) N 49 effefto (corr. m. 2) N cessabait Nl 54 malor N 59 rominis N1 60 necdun Bostc., n N 61 tantoff N 64 serae Rosw., sera N 66 fece N c 68 uaesano N 69 omnia que et uitans N suci (e m. 2) N )
    10
  11. spondeat, ab sancta quisquis renouabitur unda,
  12. ipse in se nihilum quo purificetur habebit.
  13. ac ne plura tibi uariis ambagibus edam,
  14. Eliae meritum doctus nescire sacerdos
  15. non potes, exosae qui mortis lege remissa
  16. aeternam degit proprio cum corpore uitam,
  17. igneus excelsum quem uexit ad aethera currus
  18. flammantum rapido nisu glomeratus equorum;
  19. hunc tuus aequabit meritorum stemmate natus
  20. tantundem et laudis simul et uirtutis habebit.