Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- proponisque malis poenas et praemia iustis.
- haec quoque quis spreuit, redeat quandoque libebit; [*]( 254 doceret N1 256 eiigit N1 259 prodisses N tibi Lugd., om. N 260 seruant N 264 sibi N1 265 delere pio ex dele rapio N m. 2 268 famulari N iohannis N1 269 descendi Nl 272 cre- «M dentum Lttgd., credentia N lymfis Nl 275 prestat quae non enoua N (corr. m. 2) 277 quod N1 279 da Roaw. gentis N1 281 pro- 0 prnisque N\', )
- in promptu uenia est, sanctum patet ecce lauacrum,
- quod renouet uitam ueteresque oblitteret actus
- quodque nouos homines faciat. quid quaerimus ultra?
- et tamen ulterior uenia est, uiolauerit ullus
- hoc quoque polluto prolapsus corpore donum.
- quamquam iam nimius longe processerit error,
- desinat et redeat. cum se damnauerit ipse,
- absolui meruit; si paenitet, inrita culpa est.
- o uere, quod ais, pondus leue quodque cohaeret
- suaue iugum, totiens homini cum ignoscitur uni;
- et tamen erramus, finis nec criminis ullus
- humano generi. sed crescit laus tua; nam quo
- maior culpa rei, parcentis gloria maior.
- grates ergo tibi referat mens omnis et omnis
- lingua canat, quantumque potest humana propago,
- si placuisse nequit, fieri uel grata laboret.
- panditur inmensum, si demus uela, profundum
- in laudes, pater alme, tuas; sed conscia tanti
17